Unganisha Till au Paybill yako, na kila malipo ya M-Pesa yanajilinganisha yenyewe

Kabla hujaanza

• Paybill, au Till pamoja na namba yake ya stoo. Kwa Till, Safaricom hutumia namba ya stoo (namba ya makao makuu) kwenye Daraja, si namba ya Till ambayo wateja hulipia.
• Mtumiaji kwenye tovuti ya biashara ya M-Pesa (org.ke.m-pesa.com) mwenye jukumu la Business Manager. Safaricom hutuma msimbo wa uthibitisho kwenye simu ya mtumiaji huyu. Kama huna, muulize meneja wako wa uhusiano wa Safaricom au tuma barua pepe kwa [email protected]; hii inaweza kuchukua siku chache.
• Akaunti ya bure kwenye developer.safaricom.co.ke.
• Jina la biashara yako kama lilivyo kwa Safaricom kwa Paybill au Till yako.

Kuwasha M-Pesa hewani

1. 1

   Go Live kwenye tovuti ya Daraja

   1. Ingia kwenye developer.safaricom.co.ke na ufungue Go Live.
   2. Chagua uthibitisho kwa shortcode. Weka namba yako ya Paybill (au namba ya stoo kwa Till), jina la biashara yako na jina la mtumiaji la Business Manager.
   3. Weka msimbo ambao Safaricom inatuma kwenye simu ya mtumiaji huyo.
   4. Chagua huduma za M-Pesa Express na Customer to Business (C2B), kisha uunde app.
   5. Fungua app mpya na unakili consumer key na consumer secret zake. Funguo za app ya majaribio (sandbox) hazitafanya kazi.
2. 2

   Pata passkey yako ya M-Pesa Express

   1. Safaricom hutuma passkey kwa barua pepe kwa msimamizi wa biashara yako Go Live ikishaidhinishwa. Haionyeshwi kwenye tovuti.
   2. Kama haijafika baada ya siku mbili za kazi, tuma barua pepe kwa [email protected] uombe passkey ya M-Pesa Express (Lipa Na M-Pesa Online), ukitaja shortcode yako na jina la app.
3. 3

   Unganisha kwenye ShelfWise

   1. Kwenye Mipangilio → Malipo, chagua Till au Paybill na uweke namba zako.
   2. Bandika consumer key, consumer secret na passkey, kisha ubofye Unganisha M-Pesa.
   3. Kisha ShelfWise huiomba Safaricom iripoti kila malipo kwa namba yako. Hilo likifanikiwa, ujumbe wa kijani utaonyesha.
4. 4

   Jaribu kwa KSh 1

   1. Kwenye kaunta, uza kitu kwa KSh 1, chagua M-Pesa, tuma ombi kwa simu yako na uweke PIN yako. Mauzo yanakamilika yenyewe.
   2. Lipa KSh 1 kwa Paybill au Till yako kutoka simu yako. Yanaonekana chini ya Imelipwa kwa Till kwenye kaunta na kwenye Malipo yaliyopokelewa.
   3. Kama unatumia duka la mtandaoni, weka oda ndogo na ulipe kwa M-Pesa.

Tatizo likitokea

“Invalid access token”

Funguo ni za app ya majaribio (sandbox), au app ya hewani haina M-Pesa Express na C2B.

“Invalid PartyB” kwa Till

Namba ya Till na namba ya stoo zimebadilishana. Namba ya stoo inaingia kwenye Namba ya duka (head office).

Ombi linafika lakini malipo yanashindwa

Passkey ni ya namba nyingine, mara nyingi Till badala ya namba ya stoo. Iombe Safaricom passkey ya namba yako ya stoo.

Safaricom hairipoti malipo yanayofanywa moja kwa moja kwa namba yako

Mfumo mwingine, kama POS ya zamani, tayari umesajili anwani zake kwa namba yako, na Safaricom inaruhusu moja tu. Ziondoe kwenye tovuti ya Daraja (URL management), au tuma barua pepe kwa [email protected] uwaombe wafute C2B URLs za shortcode yako. Kisha ubofye Jaribu tena kwenye Mipangilio → Malipo.

Malipo hayakuunganishwa na mauzo

Fungua Malipo yaliyopokelewa na uyaunganishe na mauzo kwa mkono. Hii hutokea kiasi kinapotofautiana au keshia alipochagua malipo mengine.

Umekwama kwenye hatua fulani? Ongea nasi kwenye WhatsApp kupitia +254 768 306 493 na tutakusaidia kuanza. Fungua WhatsApp